EZAGUTU GAITZAZU

Bilboko Ensemble Kuraia musika taldea, 1997an María Eugenia Luc konpositoreak sortu zuen, gaur egungo zuzendari artistikoa bera izanik. Taldeak, gaur egungo musikagileen lanak zabaldu eta goi-mailako profesionalez osaturiko talde baten lankidetza eskaintzea du helburu.

Ensemble Kuraia erregularki Europa eta Hego Ameriketako jaialdi garrantzitsu eta musika garaikideari eskainitako ekitaldietan aritzen da: Berlingo Universität der Künst y Hochschule für Musik, Milan kontserbatorioa eta Labirinti sonori de Parma (Italia), Music around (Strasbourg, Frantzia), Arsonic (Mons, Belgika), SGAE-CNDM Fundazioa Sariak, Alicanteko Jaialdia, CNDM denboraldia, Reina Sofía Arte Zentruko Museoko Auditorio Nazionala eta Teatros del Canal (Madrid), BBVA Fundazioko Zikloa eta Bilboko Guggenheim museoa, Donostiako Musika Hamabostaldia, Bartzelonako L’Auditori, Rondó kontzertu denboraldia (Milan eta Monza, Italia), Nazioarteko Arteen Zentrua(Mexiko D.F.), Limako FIMCC (Peru), beste batzuen artean.

Kritikaren laudorioak jaso ditu behin baino gehiagotan Bilboko taldeak: “Espainiako musika garaikideko talde erreferenteetako bat” (Scherzo), “guztia Ensemble Kuraiaren interpretazio bikainarekin” (Diario Información), “talde bikaina” (Doce notas), “sendo eta oso trebea” (El Diario Vasco), “goi-mailako kalitatekoa” (El comercio, Lima).

Ensemblea, Kuraia Musika Garaidearen Jardunaldietako eta Bilboko “J.C. Arriaga Musika Kontserbatorioko talde egoiliarra da.
Bere proiektuak kalitatea, moldakortasuna eta berrikuntzagatik dira bereizgarriak. María Eugenia Luc-en lanetik osaturiko “De aire y luz” CDak (Orpheus zigilua) Melómano de Oro saria eta espezializatutako medioen kritika bikainak jaso zituen. 2014an Yoko Ono artistarekin kolaboratu zuen “Sky piece to JC” performancean. Luis De Pablo eta Felix Ibarrondori buruzko dokumentalak bultzatu ditu (EITBen programatuak), eta ganbera opera eta antzerki musikatuen ekoizpenak ere estreinatu ditu taldeak (guztien artean Stravinski-ren “La historia del soldado” eta Viktor Ullmann musikagile txekiarraren “Der Kaiser von Atlantis” opera ezin dira utzi aipatu gabe).

Ensemble Kuraiak gaur egungo musikagileei enkarguak egiten dizkie eta musika garaikidearen zabalkuntzarako programa eta proiektu pedagogikoak garatzen ditu Berlingo Klangzeitort, Bilboko Guggenheim Museoa, Euskal Herriko Unibertsitatea (UPV-EHU) eta Musikene-Euskal Herriko Goi-Mailako Musika Ikastegiarekin kolaborazioan.
Ensemble Kuraiaren kontzertuak RNE-Radio Clásica eta Europa eta Hego Ameriketako beste hainbat irratitan transmitituak izan dira.
Kuraiarekin pertsonalki elkarlanean aritu diren konpositoreen artean honakoak aurki ditzakegu: Leonardo Balada, Luis De Pablo, Joan Guinjoan, Félix Ibarrondo, Ramón Lazkano y José Manuel López López.

Ensemble Kuraiak honako entitateen babesa jasotzen du: INAEM, Eusko Jaurlaritza, Bizkaiko Foru Aldundia, Bilboko Udala, SGAE Fundazioa, AIE, Musikabulegoa eta Etxepare Euskal Institutua.

Historikoa

Kontzertuak, birak, zikloak eta Ensemble Kuraiaren jarduera guztiak urtez urte